فيسبوك
واتساب
المخاض صعب النوبادى
احتضار الطين بيوجع
.......... واختزال الطلق عادى
فابتسم للثورة واهتف:
.............. "مصرُ يا أمّ البلادِ"
وانسحب وعنيك بتضحك
........... والورود ماليَة الأيادى
انسحب والقلب عَمْران بالوطن
................... والدمّ هادى
وإن عرفت تكون محايد
........... حكّم الشعب الليلادى
****
الميدان مليان ملايكة
.......... وكل شىء بالليل مُباح
يا اللى مرمغتونا
بين وحل السكك والانفتاح
هاتوا مفتاح القضيّة
الصباح الجاى حليف الثورجية
الصباح الجاى قصيدة وبندقية
يا اللى أقسمت اليمين والنيل ضحيّة
مصر ما بتقبلش دِيّة
مصر "جنّة ربّنا" وأعظم هديّة
فانسحب بشويش وسيب مصر الأبيّة
قبل ما تسيب مصر ع الصلبان ضحيّة
صورة أرشيفية
