علق الشاعر أيمن بهجت قمر على خطاب المرشد العام للإخوان محمد بديع عقب إلقائه خطبة يوم الجمعة فى الأزهر وظهوره فى مؤتمر صحفى اليوم للحديث عما يحدث فى مصر والإجراءات التى سيتخذها حيال ذلك، قائلا: على صفحته الرسمية على موقع الفيس بوك "طب اللى متعاطف مع مرسى ومش إخوان ماستفزهوش ظهور المرشد فى الأزهر وظهوره النهاردة؟ هو بيتكلم بصفته أيه؟! وبيتدخل فى عمل النيابة ليه وقرر مين إخوان ومين مش إخوان؟
وأضاف قائلا: "طب ولو اللى ماتوا هنفترض إخوان بس وده مش حقيقى هما دول مش مصريين؟ مش انتوا اللى اديتوهم أوردر ينزلوا ويتعدوا على الخيم؟ حسبى الله ونعم الوكيل البلطجة والكذب عينى عينك وصعبان عليا أصدقائى المتعاطفين بكره يفهموا ويندموا".
