عند انعكاس الضى
من بطن الألم
مرسوم علم
وكتاب لمعهد أزهرى
دم البنية العنبرى
فوق الغلاف
يا ضنايا كلت اللقمة حاف
علشان أوفر قرشنات
إتعلمى زى الولاد
واقرى ف كتاب الأولين
فقه السنن
علم الحديث
دا مافيش حديث فوق اللسان
خالى من الذكر الحكيم
ياام السنين الخضرا
شايلك للزمن
وان كنت جاهل ف العلام
حتكونى عين
بصيرتى المؤمنة
وتكونى للسانى الكلام
ياضنايا سيبت البرد
ياكل جتتي
لجل اشتريلك فستانين
يانن عين قلبى البسيط
قلب الحديد...
كافر قوي
مزّع حشايا بدون سبب
يا حافظة أجزاء م الكتاب
أجزاءك النايمة هناك
ع الأرض ساجدة بدمها
ياهل ترى سجدة صلاة
أو سجدة تشكى لربها
الأرض فاتحة حضنها
وانا حضنى مستنى القدر
القطر توت
انذار خطر
ياسايبة شنطة وكام كتاب
جاهل انا بفك الحروف
والشوف من الدمع انعدم
يا ام السنين الخضرا
شيلتك للزمن
جاب الزمن
م الشؤم قطر بأجنحة
سرق الرصيد.
حادث قطار أسيوط - أرشيفية
مشاركة
اضف تعليقاً واقرأ تعليقات القراء
مشاركة
