حَسَبتها وسألت هو العيب منين
ركّزت عشان أفهم الخلل جاى منين ؟
الغلط من البلد ولا القاطنين؟
لمّا أوتوبيس الولد قسمه القطار نصفين !
ده يومها أبو الولد ضربه بالألم ع الجبين
لجل ما يلحق الولد أوتوبيس مدرسته ومهتمّين
وعشان ميتأخّرش ولا يكون من المهملين ..
تفتكروا كان يعرف إن عمّال المزلقان نايمين !
يا حسرة ع اللى وصلناله، وقاعدين مستغربين ؟!
مش واخدين بالنا بقينا قد إيه مُستهتِريِن !!
أظن واضح للشمس إحنا ليه مُـتـأخـِريـِن
والأغرب لسه بنسأل "الغلط جاى منين ؟" ؟!
صورة ارشيفية
مشاركة
اضف تعليقاً واقرأ تعليقات القراء
مشاركة
