بالفيديو.. عكاشة: سأدعو للتظاهر 25 يناير وإن لم تخرجوا هنافق مرسى

قال الإعلامى توفيق عكاشة: سأدعوكم من النهاردة إلى يوم 25 يناير للخروج والتظاهر وهفضل أنصحكم للخروج والتظاهر، وإن لم تخرجوا للتظاهر سأغشكم، مستشهدا بالمثل المصرى "انصح صاحبك من الصبح للظهر وإن لم يتنصح كمل معاه غش".

وأضاف عكاشة خلال فقرة الأنترو ببرنامج "مصر اليوم"، على قناة كايرو سينما:" إذا لم تأتى دعوتى معكم بنتيجة هكمل معاكم بالغش، وإن لم تسمعوا النصيحة هقول إن الإخوان المسلمين أحسن الناس وهمدح الرئيس، وهقول إنك جئت مثل يوسف عليه السلام من السجن وهكمل بقية اليوم غش، لأن أنتو عايزين كدا ولازم تبقوا كدا".

وتابع: "ومفيش كلمة قلتها محصلتش وأنا معاكم ليوم 25 يناير، فإن نزلتم هنشيل جزمكم على دماغنا، وإن لم تنتصحوا هنطلع يوم 26 يناير هنقول الإخوان مفيش زيها أبدا، وكل ما يطلعوا حاجة هنطبلها وهنمسك زماره وكل دا علشان أنتوا تستهلوا كدا ولو أثبتوا قدرتكم على التغيير هموت نفسى علشانكم ودا اتفاق بيننا"، على حد قوله.