فيسبوك
واتساب
* يا شعب مصر فين راحت ضحتك
فين نكتك فين خفتك فين أفشتك
إيه إللى جرالك قول إيه سكتك
يكنش ده ضعف إيمان خلى العلل مسكتك ؟
وعجبى
* صدقوا إللى قالوا قابلينا ما الدنيا إلا مسرح
بنعيش فيها يوم نحزن ويـوم نفرح
فيها الأغراب تداوى وفيها القرايب بتجرح
وفيها كتير من الحكاوى تخللى العقول تسرح !
وعجبى
* ياللى قطعت رحمك إجرى بسرعة إوصــــله
هتلاقى ربنا رحمك على طول مـــدام توصله
أصلك لو قطعته مـا هيقبل شىء تعمله
وكمان هتشوف عذاب ما هتقدر تتحمله
وعجبى
* يا مصرى إصحى وفوق وكفايا بقى نوم
ولا أنت عاوز كده مظـاهرة كل يوم
خليك ديمــا على رأيك وبلاش تعوم عالعوم
دا عدوك متربصلك و ديمـا حواليك بيحوم
وعجبى
صورة أرشيفية
