فيسبوك
واتساب
شوفتوا النهضة والخير
اللى جاى على إيد الإخوان
كل شىء تمام من أمن
لخبز لغاز وبأسعار زمان
والصحة ميه ميه
والاقتصاد شغال والدنيا أمان
والبركة فى الكهربه والميه
فواتيرهم رخيصة والجيب عمران
هو مفيش حاجه عجباكم
عاوزين إيه تانى نرخصه كمان
الغنى والفقير مبسوط
حتى ولاد الشوارع والراجل الغلبان
كله فى نهضة وفى خير غرقان
شاربين وكلين عايشين
ولغير الإخوان حمدين
ناكرين خيرهم عليكم
ولزمان وحكم زمان حنين
نجيب مين تانى يحكمكم
ولا انتوا على الكرباج واخدين
عيشة هنية وديمقراطية وحرية
كل ده وتقولوا محنش عايشين
داتكو البلا شعب جاحد
وكتير الكلام ومفيش أفعال
وفى أى شىء مانتوش فلحين
ولازم كله من بكره
يسلم ارادته ويبوس الايدين
وينسى بقى بابا حسنى
والبرادعى وموسى وحمدين
ويمشى جنب الحيط ويربى ولاده
لو انتوا على حياتكم خايفين
طابور عيش
