فيسبوك
واتساب
من غير حرج..
من غير عقد..
من غير فتاوى وتأويلات
من غير هلاوس عن دخول النار..
ماجتش ف تنزيلات
من غير خجل..
ولافوبيا إخوان أو سلف..
أو تهويلات
من غير قلق من شوك غابات..
جهل العقول المُعتِمة
وبكل حب لرب واحد..
فوق عباده بقدرته رفع السما
ومهد الأرض اللى فيها الخير..
لكل الناس نما
باقول لكل اللى اعرفه وما اعرفوش
ولأى حد قابلته صدفة ف سكته..
أو قعدته ف ميكروباص..
جتْ يوم ف ريحى
عيد سعيد..
عليك وعلى مصر اللى ابداً عمرها..
مافرقتش ف حضنها..
بين ابن مسلم حَبها..
واخوه المسيحى!
جانب من الاحتفالات بأعياد الميلاد - صورة أرشيفية
