محمد أحمد دويدار يكتب: شِلاه يا طاهرة يا أم العجايز

التالتة تابتة والرابعة ... جايز
والخامسة باطلة فكل ديــــن
عنـد الـيهود والمســلمين
حـتى إللى عبدوا الجـمايس
وشـلاه يا طـاهرة يـا أم العجايز
الخامــسة باطلة فِكـل مِلــة
وحُــط قبــل سيادتــه إلا
الليلة دُخلة والدعوة عامــــة
وناس وزحمة وهيصة ولمــة
وعروستنا سمرة وفستانها وردى
وعيونها قمرة والاسم بلـــدى
غموا عينيـها وقـالـولها عدى
قصوا لسانهــا وقالولـها ردى
بالعافية ولا بالذوق هترضى ؟!!
وكتبوا كتابها على اللـــفندى!
وأربع ضراير قبلها
صرخنا فيها نقولها
عشتك حرام من أصلها
شِهد شاهد من أهلها حلال
بس ادفع مهرها
وتبقى أنتَ بيها إللى فايز
وشلاه يا طاهره يا أم العجايز
الناى يزغرط فإيد الرفاعى
ويطلع علينا زى الأفــاعى
بلسان معسل مدهون بزبدة
ونرضى ولا ماحناش هنرضى
ده الليلة دُخلة والكل ناوى
والَفَرشة حمرة والؤلة قِناوى
قولنا لأة ولا قولنا ماشـى
ماحنا فِالآخِر حبِة مواشــى
وإللى عايزهُ سيادتهُ ماشى
وبالِدستور ... دَسََــتوووور
دَسَتور يا أسيادنا يا بتوع المجالس
وشِلاه يا طاهرة يا أم العجايز.