فيسبوك
واتساب
أنا مش عميل..
ومنيش مواطن مش أصيل
ولا جاى أحكى باسم جيل
أنا تربة دايبة فى حضن نيل
أنا مش عميل
أنا مش عميل الدنيا بتوديه وتجيبه
وأما يزيد المال يبيع أخوه وحبيبه
أنا مش عميل
أنا الوحيد إللى اتظلم فوسط ميت مليون دخيل
أنا إللى عاش أيام شبابه فعز وفنصر وصمود
أنا إللى معروف عن ولادى إنهم خير الجنود
أنا إللى عدّيت الحدود.. ووقفت ورفعت العلم
أنا .."مصَر"
أنا اسم طاير فى السما وسط السحاب
أنا.. "مصر"
لوعدّى ميت تلاتين سنة فحكم الكلاب
أنا.. "مصر"
أنا اسمى مصر
هفضل راية كل عصر
مصر الطهارة..مصر النقاء
مصر الحياة.. مصر الرخاء
مصر البقاء
مصر إللى ضحّت بالشباب الأبرياء
علشان تنوّر الطريق لألف جيل
وتقول عميل !!!
لا..أنا مش عميل
علم مصر
