كان أحلى ما فيكى يا بلــدى وَنس
وعيون سهرانة حواليــكى حَرس
وضحكة صافية تجلـجـــل جـَرس
حوارى فيها من كل صنــف ودين
متجمعين على طبليـة واحدة ازاى
قاعدين فالعصارى مع الفنــاجين
متأنسين مستنيين لما يغلى الشاى
والسهرة تحلى على صوت النــاى
والقــمــــرة طالــعة واللــيل يطول
واللمـة بــدرى على عربــيــة فول
كان أحلى ما فيكى يا بلدى الأصول
والشهــامة والـجدعنة وولاد الـبلد
مجــنونة يــا قوطـة ومعسل يا ولد
كـان فيـكى صَــفــا جــوه النـفـوس
وشفـــا وخميـــرة يــا عرقـــسوس
وقفشة ونـكتـــة وكفـــك يـــا عــــم
وحـــــلاوة وشقــــــاوة وخفـــة دم
كان أحلـى ما فيـــكى قلـــب يٌِضـــم
كان ليـا فيكى يا مصر أُمُ
ُضمى عيالك تانى فـ حضنك
ده احلى مافيكى يامصر طيبتك
دى خلطه عجيبه فيـكى يابلدى
معجون بيها طينك وزرعك وارضى
دايبة ففاطمة وجرجس وعبده افندى
والعنبة طالعة فوق زرعة يوستفندى
والتوتة زرعها عندك ونبتها عندى
سرها منقوش على ورقة بردى
شعب دايب فبعصه وده سر التحدى
ده أحلى مافيكى يامصر إنك.....
سمك على لبن على تمر هندى
صورة أرشيفية
مشاركة
اضف تعليقاً واقرأ تعليقات القراء
مشاركة
