كل حــــاجة فيكى ممكن
كل شىء جـــواكى جايز
تفرحى ف عنيكى أسكن
تزعلى يفصلنـــا حــاجز
مرة تايهة ومرة راسية
مرة فـاكرة ومرة ناسية
فهمينى إزاى يا قاســـية
أنهـزم وأنا أصلى فــايز
كـل حــــاجة فيكـى واردة
عقــــل أو مَسـة جنـــــون
ليه دفاكى مشاعرة باردة
واليقيــن مليـــان ظنـــون
طب قوليلى إزاى أعاملك
أبكــــــــــى ولا ابتسمــلك
انتصـــر ولا انهــــــزملك
وأبقى قــادر ولا عـــــاجز
ثورتـك تشبه خضـوعك
والشتـا بقى زى صيفك
ضحكتـك تشبه دمـوعك
وردتك كمـــا حـد سيفك
ممكنــك بقــى مستحيــلك
رجعتــك تايهة ف رحيلك
قلت أموت وتشـدى حيلك
سبتى جـرح ف قلبى نافذ
كل حــــاجة فيكى ممكن
كل شىء جـــواكى جايز
