نصر فتحى اللوزى يكتب: منين نجيب أم لو ضاعت أمنا!

الأب واحد آدم وحواء أمنا
أصل واحد منهم خلقنا ربنا
دم واحد عايش معانا عندنا
رب واحد قادر يجمع شملنا
ينقى قلوبنا بنا يوحد صفنا
الابتلاء مواقف اختبارنا كلنا
ياريت نخرج منها لجنة ربنا
***
ليه الاختلاف يحرق أرضنا !
بإيدينا نحارب نور شمسنا
ليه الشيطان يحرق زرعنا !
الحصاد يغيب عن سطحنا
والحلة خالية ليه من أكلنا !
جلودنا لزقت فوق عضمنا
كنا أخير الخلق مفيش زينا
***
للدستور مواد حق لنا كلنا
وواجب نأديه بالحب مننا
نعم أو لا بنا نحقق حلمنا
دستورنا عدل وكرامة لنا
ضى القمر بالعشق يضمنا
دستورنا منهاج عمل لكلنا
وغنوة حروفها تعبر عننا
***
وقل اعملوا للخير أمر ربنا
تعالوا بالإنتاج نحقق وعدنا
تصدير للغير مصنوع عندنا
كفاية استيراد سوس بيهدنا
الفرق بينهم بنا يسدد عجزنا
واحتياطى يزيد يبيض وجهنا
يسترنا أمام الغير أبدا لا يذلنا
***
تعالوا نحارب منا الفساد كلنا
العمر فانى نخاف دايما ربنا
يوم الحساب الفساد هو همنا
بين جنة أو نار يتوه صمتنا
تعالوا نحبها بدستور يضمنا
ليه الاختلاف دمار يألم عشقنا !
منين نجيب أم لو ضاعت أمنا !!!