بلاد الحب دى بلادى وفى الوادى يبان الضى
ونور الصبح جاى بدرى يصحى الدنيا بالراحة
شوى شوى
ويرسم قلب ع المية يجمع فيه المراكبية
ويحكى للنجوم عنك مع إنك
حزينة وفى العيون دمعة
وناس نايمة وماهيش سامعة
عن النور اللى ماللى الحى
تبات الدنيا سهرانة معاكى لحد ماتنامى
وفى أحلامك تصحى الحلم من نومه
عشان يسمع حكاويكى
ويسمع بس ليكى إنتى ويسهرلك يراضيكى
ويزرع فى الغيطان فرحة تنور لك لياليكى
وتملى الوادى من تانى خضار وحياه
وترجع ضحكتك ليكى تنسيكى مرار الآه
زمان الغربة والتوهة ما نسانا أمانينا
ولا غير قلوب عاشقة ولا بدل أسامينا
ومهما عمرنا يعدى وغربتنا تاخدنا بعيد
حنفضل برضو نستنى تضمينا فى ليالى العيد
ونحلم أننا معاكى
نعيش الحلم وياكى
وتجمعنا الحياة تانى ترجعنا لضواحيكى
نودع غربة جرحانة نلاقى نفسنا فيكى
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة