فيسبوك
واتساب
إيه يعنى كسبوا
اكسب وهين حلمى كمان
اكسب وراهن ع الرهان
اكسب وزيد الضعف قوة
آخرك غثاء عابر جبان
اكسب وزيد فى النشوة وف وهم الشرف
ايش ياخد الشيال من السماك غير الزفارة
اكسب وريل ع التاريخ جتك القرف
دم اللى راح هيزود الكسبان خسارة
اكسب ودارى خستك فى الدم بادى
يوم الحساب على كذبتك قرب خلاص
زور فى وعيى ووعى ناسى ودين بلادى
اللى مالوش خير فى اللى مات مالهوش خلاص
خلص الكلام، لكن ما تخلصش الصبابة
واسأل مجرب شاب من "أهل" الميدان
عرف الطريق والناس وأحلام الغلابة
عرف الحياة م الموت ومن وجع الكمان
قصر الكلام
هتعيش خسيس/ وتموت جبان
وهعيش شهيد
وهاموت مكان
(هموت ما كان)
خلص الكلام
طابور استفتاء – أرشيفية
