فيسبوك
واتساب
السّبت سبْت المخاض
والحدّ حد التوت
والليله ليلتك يا قائد موقعة أسيوط
ابعت رجالك وحارب واتفرد واتمد
وارفع نبالك وركّز ع الوجع والقوت
والعن أبونا اللى ناضل فى الكنال والسد
واضغط بعزمك علينا ودوس بشدّه وفوت
وابعت رجالك ولحظة ما "الوطيس يشتد"
هدد وعدد وندد واتفرد ملكوت
ابعت رجالك وسيب الناس تقيم الحدّ
مستنظرين بالعلم والورد والنبوت
ومحددين الهدف ومركّزين ع الرّد
ومتبِّتين فى الميدان ومصممين ع الموت
ابعت رجالت وجاهر واستعدّ وصُدّ
السّبت سبْت المخاض
والحدّ حد التوت
الشاعر سعيد حامد شحاتة
