فيسبوك
واتساب
الأم مصرية
شرقية عصرية
سمع التاريخ صوتها
هاتف بحرية
أرض الكنانة أرضى
أفديها بعنية
عزيز عليا ولدى
شهيدك....
ضميه بحنيه
وإن داس ترابك عدا
ما هترضنيش دية
الأم مصرية
شرقية عصرية
زي الملاك بتضم
وعيون تشيل الهم
وتفيض بحنية
أحضان تساع الكون
وكلامها يوزن قوم
ماهي ست مصرية
سمرة بلون النيل
وبتعشق المواويل
ومهما تشوف الويل
أحلامها وردية
الأم مصرية
شرقية عصرية
عايشة برضا المعبود
وسلامة النية
وبتقرا في الكراسة
وبتمحي أمية
فن وأدب وسياسة
وأشعار وطنية
الأم صانعة النهضة
أصل الكفاح هيه
معروفة بين الخلق
حكمتها طبيعية
والشمس ف شروقها
تهديلها أغنية
يا سمرة يا أم المصري
يا حلوة يا بهية
يكفيه شرف وعزة
إن أمه مصرية
* إهداء إلى والدة الشهيد خالد سعيد
أم خالد سعيد
