الحكاية مش تأسيسية ولا إخوان ولا دسـتور
الحكاية مش كلام بنسمعه يملى آلاف السطور
السياسة عمرها ما كانت بالخرطوش ولا بالساطور
الحكاية إن المصرى بعد الثورة رافض يرجـع طرطور
يامصر يا درة كل عصر فى قلوبنا معـروف مكانك
ناس فيكى طمعانه فى القـصر ومنهم باعك وخـانك
دا القلب عليكى محسور حـسر والعـين بتبكى عشانك
لكن إللى بيطمنى إن ربنا ديما معاكى ومن الشـرور صانك
معلش يا مصـــر لازم تتحملى الريح
أصل إنتى حظك كـــده وكلنا مجـــاريح
إيه إللى جرى لشعبك مابقاش ليه صريح
بكره يجنى الثمار وعمــــره ما هيستريح
مصر هانت خلاص على إللى عايشين فيها
ولدها عماله تخــــرب بدل ما تبنيها
فى ناس بتولع نار الفتنة لكن ربنا بيطفيها
ملناش غــــير يارب من كل شر إكفيها
صورة أرشيفية
مشاركة
اضف تعليقاً واقرأ تعليقات القراء
مشاركة
