فيسبوك
واتساب
يا اللى هتسلّم بلدنا الليله
.......... سلّمها بهداوه
وابتسم للى استلمها وقول له:
........ مش عايزين غباوه
يااللى هتسلّمنا
سلّم لحمنا من غير إتاوه
يااللى هتسلّمنا
سلّم حلمنا من غير عداوه
واحفظ الضحكه اللى ف وشوش المداين
وارحم الفرحه اللى ف خدود البداوه
يا اللى هتسلّم بلدنا الليله:
................ سلّمها بتأنّى
وابتسم للى استلمها......
وقول له: كانت أقوى منّى
وإن أنا سلّمتهالك غصب عنى
الشاعر سعيد حامد شحاتة
