قـــــوم صلى بينا ياشيخ عمـــاد
واعلنهــا حـــىّْ على الجهــــــاد
قوم وانسى مـوتك
واهــــــزم سكوتك
وافرض شروطك على ظلم زاد
قـــــوم صلى بينـا ياشيخ عمـــاد
ما اقدرش افــرّق بين دمعتين
مســـلم مسيحى مــدوا الايدين
صلــــوا عليك وقت الوداع
واللى حسبهــا وخـان وباع
حيـروح لفين جايله ميعـــاد
قوم صلى بينا ياشيخ عمــاد
يا احن بسمة ف عيون شهيد
رايح لمينـــــا وخــــالد سعيد
إرفـــــع آدانــك
وادعى لميدانك
يقدر يحــــــــرر ست البـــلاد
قـــــوم صلى بينا ياشيخ عماد
مين فيكو شاف علشان يقـول
إن اللى مات مالهوش أصول
مين اللى حقـق حلمهـا ؟!
ومين حضنها وضمها؟!
لحظة ماشــــرع الظلم ساد
قـوم صلى بينا ياشيخ عماد
