فيسبوك
واتساب
صدّقنى لازم
فعجّل بالمواجهة الآن
وارفع سلاحك وحاصر
واتمدح واتهان
واطرح بيان المؤامرة
وهدّها بإحسان
يا أيهذا الفتى الموهوب
.عظيم الشّان
جبناك تداوى الألم
كربجتنا بإعلان
سبناك تفصّل علَم
فصّلت ديل فستان
شفناك فى سن القلم
وف علبة الألوان
آدم بيزرع ندم
آدم قتل إنسان
يا سيّدى اللى انتزع
شرعية السلطان
لسه الميدان ملتهب
والدم ع القضبان
يا اللى ابتديت خطبتك
بالحجة والبرهان
وحلفت وسط البلد
بالنعمة والقرآن
وفضلت تحلف لمصر
بأغلظ الأيمان
يا أيهذا الفتى الموهوب
عظيم الشّان
يا سيّدى اللى انتزع
شرعية السلطان
جربنا فيك الوطن
طلع الوطن إخوان
الشاعر سعيد حامد شحاتة
