شادى عبد المجيد يكتب: هاقول نعم ليييييييه؟

عشان قريت مشروع الدستور وماليش تعليق إلا على مادتين تلاته ووجودهم مش هايهد البلد.

عشان جميع الأحزاب وافقت على قائمة = أعضاء التأسيسية = وحتى كان فى مقر حزب الوفد.

هاقول نعم... عشان جريت ورا المنسحبين وحاولت اعرف سبب انسحابهم.. مالقتش أسباب واضحة وصريحة.

وعشان لاقيتهم انسحبوا بعد 5 شهور شغل مع زملائهم فى الجمعية، وأكيد لو فيه نيه لعمل دستور على مزاج فصيل معين، كانو حسو بكده فى الخمس شهور ولا بقى كانو= قاعدين بيهزرو.

هاقول نعم عشان من تصريحات بعض المنسحبين إن مشروع الدستور من أعظم الدساتير.

هاقول نعم.. عشان نترحم من الإعلانات الدستورية ومشاكلها وخناقتها بين مؤيدين ومعارضين.

هاقول نعم.. عشان مش ضامن الجمعية التأسيسية المنتخبة (لو فازت لا) ممكن تتحل لأى سبب قانونى أو خازوقى ونلف فى دايرة كبيرة وإحنا واقفين فى نفس المكان.

هاقول نعم.. عشان نعمل مجلس شعب = يعدل المادتين التلاته اللى مش عاجبنى ويراقب بقى الحكومة دى.

هاقول نعم.. عشان أدى فرصة للرئيس المنتخب يشتغل وينفذ خطته للنهوض بالبلد بدل ما نقعد الأربع سنين بنتخانق على الدستور ومين يعمله.

هاقول نعم.. عشان المعارضين دلوقتى يا اما فلول.. يا اما ناس اترجناهم يتحدو مع بعض أيام انتخابات الرئاسة ورفضوا ومشيوا ورا مصلحتهم الشخصية ودلوقتى عاملين فيها خايفين ع البلد.