اتحاد الشباب التقدمى يطلق مبادرة "كن مراقباً" لمتابعة استفتاء الدستور

أطلق اتحاد الشباب التقدمى بحزب التجمع غرفة عمليات لمراقبة الاستفتاء على الدستور بعنوان "كن مراقبا كن حذرا"، لرصد أى انتهاكات ومنع تزوير الاستفتاء.

وقال الاتحاد فى بيان وجهه لمن يرغبون فى الاشتراك بالحملة "أنت اللى هتراقب الاستفتاء لازم قبل ما تصوت تتأكد من تحقيق شخصيه اللى قاعد فى اللجنة وهو مجبر إنه يطلعلك البطاقة وتتأكد إنه قاض، بعد ما تصوت وتحط صوتك فى الصندوق بأيدك انزل الفناء بتاع المدرسة".

وأضاف البيان توضيحا لأعمال المراقبة "تأكد إنه مافيهوش دعايا تتأكد إن مافيش حد واقف فى اللجنة أو فى الفناء بيدعو الناس للتصويت بحاجة معينة، وأنت طالع من باب المدرسة تأكد إن مافيش حد بيعمل دعايا على بعد 200 متر من كل أنحاء المدرسة لو لاقيت توجه فورا للشرطة أو الجيش اللى بيحموا المدرسة وبلغهم لو ما عملوش حاجة يبقى لازم تطلع تبلغ القاضى اللى قاعد فوق وتوقف ينفسك عملية الاستفتاء حتى تنتهى هذه المسألة وتتصل بنا، لأن وجود الدعايا أمام اللجان بيأثر على رأى الناخب جدا جدا".