استـفتِ قلبـــك لحظــة المحـنة
كفايانا نبدر شوك ف مطارحنا
ح ييجى يـوم نكــــره ملامحنا
لو سيبنا روحنـا لسكة الأوهـام
استفتِ قهرك وانت ف البـــالون
راكع وفوق راسك حرس ملعون
إستفتى طفـــل بيبكى ف البلكـون
مستنى ابـــوه يرجعـله لجـل ينـام
استفتِ مينــا وشُهــدا ماسبيرو
والشيخ عماد حــرمونا تكبيره
رب العبــــاد رايــــد بتدبيــره
يرفع مابينا ناس ف أعلى مقام
استفت واوعـى تنسى صـــرخة أنس
فكـر ف حضن امه اللى فارقه الونس
وف بنت عـــــروها بإيــــدين الـدنس
وف ندل سـابها وجــاب عليها مـلام
استفتِ دم الشــهدا ف الميــــادين
وناس عشـانك دفعــوا ضى العين
إستفتى جرحــك والشيوخ قاعدين
بيقــولوا ضبط النفس بقى إلـــزام
استفتِ بنتـك بُص ف عيونها
واسألها ليـه الخـوف بيسكنها
ماقــدرش ليه حضنك يطمنها
وكأن بقى بينك وبينها خصام
استفتِ إبنـــك واوعـى تستهتر
تزرع ف أحلامه الجحود يكبر
ومحال ح ييجى يوم عليه يقدر
يعرف يفرّق بين حلال وحرام
استفتِ وجعــك ف البُكـا والضيق
إستفتِ خوفك من كمين ف طريق
صـرخة هتــافك لمـا كنت جـرىء
هـــــزمت بيهــا سلطـة ويا نظــام
استفتِ ضربة غـــدر جـايالـك
وامسك ف آخر فرص باقيالك
إستفتِ حلـــم حلمتـه لعيـــــالك
نفسك تموت ويعيش سنين قُدام
استفتِ بكــره واسـأله ليه غاب
وسابنا ليه تايهين كما الأغراب
عشّمنا ييجى ويفتح الأبــواب
وخَلّف وعـوده وسخّف الأحلام
استفتِ شــوقك للبـراح والنور
لامتى هتعيش دنيتـــك مجبور
العلة مش ف استفتا ولادستور
العلة مين أحرار ومين أغنــام
عدد الردود 0
بواسطة:
هى بلدنا ها نرجع لنا امتى بالسلامة من المحتلين
لا جنة ولا نار دة دستور بشرى مش قران
عدد الردود 0
بواسطة:
مصريه
استفتي قلبك ولو افتوك
عدد الردود 0
بواسطة:
مصطفى الضبع
بهدوووووووووووء
عدد الردود 0
بواسطة:
ojaj
استفت قلبك ولا تستفت بطنك
عدد الردود 0
بواسطة:
khaled
مليون نعم للدستور
عدد الردود 0
بواسطة:
نبيل صلاح
NO NO NO NO NO
لا للدستور
لا للاسعار
عدد الردود 0
بواسطة:
ناديه الشافعي
لنستفتي بقلوبنا