أيمن بهجت قمر يعاتب بهاء الدين محمد ومجدى النجار وتامر حسين

وجه الشاعر أيمن بهجت قمر رسالة إلى عدد من أصدقائه الشعراء الذين لهم صلة بشركة "روتانا"، حيث كتب لهم على صفحته الرسمية على موقع الفيس بوك "زملائى الأعزاء الأستاذ بهاء الدين محمد والأستاذ مجدى النجار والشاعر تامر حسين ومحمد رفاعى: على قد ما بحبكم وبحترمكم وبعتز بزمالتكم، وبقدر موهبتكم، على قد ما حزين وزعلان انكوا تكونوا الوحيدين دوناً عن كل صناع الأغنية اللى شغالين فى روتانا، حتى اللى تردوا عليا فى المشكلة الأخيرة!! وكأنها مشكلة شعرا مش مشكلة كلكوا بتعانوا منها، والدليل اجتماع معظمكوا معانا من فترة بسبب نفس المشاكل، بل إن فيه البعض منكم رفع قضايا قبل كده! عموما فى أقرب وقت هتعرفوا إنى ماغلطتش ونى كشفتلكم هبل بيحصل واحنا كنا مع السلامة.. واللى عايز ياخد حقه ياخده، واللى عايز يسيبه هو حر".

وأخيراً انتوا اخواتى برضه وعشان عمرى ما زعلت حد فيكوا، ولا غلطت ف حق حد منكوا قبل كده، أنا ليا حق عندكوا على فكره".