عم يا بياع الضحكة
قولى أجيلك من أنهى سكة
دا النفس من زمان مشتاقة
تضحكلها على نكتة
عم يا بتاع الضحكة فينك من زمان
ليه اختفيت فجأة وخدت الفرحة كمان
بعدك الحياة سودا ناوى إمتى تانى العودة
لأجل ترجع الفرحة وترجع الحياة ألوان
عم يا بياع الضحكة (الحزن اللى جوايا)
خلى ملامحى وحشة وبتطلع غريبة ف المرايا
وأنا واقف قدامها شوية وناقص أسألها
إللى أنا شايفه فيها ده وشى ولا قفايا
عم يا بياع الضحكة (سلعتك دلوقتى غالية)
من كتر ما الناس شايفة وف نفسها شايلة
وأنت أدرى بمصلحتك أدينى يا سيدى نصحتك
سلعتك النهاردة مكاسبها هايلة
عم يا بياع الضحكة يا إللى مشيت وسبتنى
دورت ف كل حته عليك دوختنى
ياريت من تانى تعود وترّجع للخدود
الضحكة اللى وحشتنى زى ما أنت وحشتنى.
صورة أرشيفية
مشاركة
اضف تعليقاً واقرأ تعليقات القراء
مشاركة
