فيسبوك
واتساب
مهما يكون الحلم صغير
سيبك من قهرك من حزنك
وارمى الحزن ياريت ورا ضهرك
خللى حياتك كلها حب
وأياك تكتم أه فى قلبك
وعيش لو لحظة..
بس اتحكم فيها فى نفسك
دوس على الأرض بكل عزيمة
خلليك واثق كده من نفسك
صوتك عالى..مهرك غالى
ماتسلمش لأى ظروف
وماينفعش تكون الكورة
اللى يشوطها يجيب بيها جون
خليك دايما عالى لفوق
عللى الحلم بعيد وبعيد
وأما تمد أيداك للناس
وقت الشدة...
يتمدوا لك مليون أيد
وليه تفكر دلوقتى فى بكرة
أتعلمنا زمان من حكمة
انجز عملك بضمير
أصلك مش ضامن
هو انت عايشها لبكره
دوس على مالك مهما تدوس
وأعلا براحتك...
أوعى تكون انسان طماع
أما لو دوست على الناس
مهما عليت اخرك فى القاع
وقبل ماتختار حلمك ليك
بص أزاى هاتقدر وطنك
وأزاى تنفع كل الناس
ماتفكرش فى حلم ضعيف
خللى حلمك زى الساقية
مهما تلف تزيد المية
مابتنقصش..
حتى لو أتحقق حلمك
ولو مديت لك أيد فى القاع
أنزل ... ميل ... أرفع أيد
وخدها معاك...ماتدوسهاش
وأما تحب تصلح بلدك
أبدأ فورا ... صلح نفسك
ومتنساش...
أما تمد أيدك للناس
وقت الشدة
يتمدوا لك مليون أيد
مهما يكون الحلم صغير
صورة أرشيفية
