محمد السيد حتحوت يكتب: أنا عاوز كلنا نقف أمام المراية

الأربعاء، 28 نوفمبر 2012 01:07 م

صورة أرشيفية

اضف تعليقاً واقرأ تعليقات القراء

أنا عاوز كلنا نقف قدّام المراية !
ونفكّر قد أيه بلدنا بتنهار ...
أمسك نفسك وحاسبها م البداية للنهاية
على كل لحظه استهتار ..
شوف بقالنا قد ايه واحنا طافحين المرار ..
مش عاوزين نتقدّم ؟ّ! دقنا م الهمّ كفاية !
شباب وأطفال بتموت كل يوم وبنشوف ف الجرائد
داحنا حتّى تعبنا من كتر القرايه !
مش بردة كل ده طيش على استهتار ؟!
شوف كنّا فين زمان ,, ودلوقتى بقينا فيين
ولو مش مصدقنى خلّلى جدك يحكيلك الحكايه !!!