مصطفى جمال يكتب: آه يا بلد

آه يا بلد ياللى كل حاجه فيها وعكسها
آه من كل شبر فيكى عليه دم
آه من كثر الغلابة فيكى والهم
آه من كثر ما شوفتى فيكى كشاكيل من الظلم
آه يا كل ساعة تنزل فى شوارعك نقطة دم
آه يا بلدى
آه يا بلدى
آه يا بلدى
آه لو بقيتى تحكى عن الحياة
آه لو شوفت فيكى لقمة الحلال
آه لما تكونى غالية على
آه يا بلدى لما بيكون اسمك مرفوع فى الجو
آه لو شفت فيكى ضحكة طفل رافع إيده بعلمك
آه لو كل الناس يحبوكى زى
آه يا بلدى
آه يا بلدى
آه يا بلدى
آه يا بلد ياللى فيها الحر يتلجم
آه يا بلد ياللى فيها الفاسد ينبت
آه من ثورة الشهداء اللى الحق راح فيها

لا أستطيع أن أعيش بلا حرية لأننى مثل الطير يهوى السماء !!!