فيسبوك
واتساب
أنسبينى مرة
..للبطن إللى ما بادلت تاريخ
وأكتبينى إنى مرضعتش ..
صدور النسوة فى سوق النخاسة
وإنى ما صدقت حنية ولىّ
ولا رنة الأجراس ..
تهدهد جوّه قلبى الاعتراف
مليون بخاف
لمّا ألاقى الموت
يشاركنى الحياة
لمّا النعوش مترصصة
جنبا إلى جنب السواد
.. بدموع عويل
يديلك العمر الطويل
لجلن تواسى .. كل حزن ف كل بيت
تندهك.. شهدا الطريق
أرواح تبرأ لطعتك
جنب الأرامل واليتامى
زنقة الأحلام على وش الطفولة المنصفة
إنك تبيع قلبك على أول ممر
وتعدى للموت إللى مستنيك
شهيد
صورة أرشيفية
