فيسبوك
واتساب
بكل صدق رافض وجودك
نظرة عنيه أبعد من حدودك
مش قبل تنفيذ الوعود
دا حتى بعد تحقيق وعودك
****
وعودك كانت مجرد خطوة
وفشلت إنك تخطيها
أبوس جبينك يا عم ارحل
قبل ما يموت حلمنا فيها
****
حلمنا نعمر سينا ونبنيها
ونخضر أراضيها وضواحيها
بالعرق مش بدم إلِ حاميها
دم أكتوبر لو تشم لسه فيها
****
ملعونة أبو الثورة لو سينا
بسببها ضاعت من أيادينا
الثورة قامت من أجل لقمة
لو سينا ضاعت تحرم علينا
****
سينا يعنى دموع وفرح ودم
يعنى وطن وشهيد وأم
يعنى عالم رفع علمنا
يعنى تاريخ وانكتب بالدم
****
بتكلم جد ومش بهيس
خط أحمر سينا يا ريس
وأدينى بحذر.. شعبنا مر
وأظن إنك عارفه كويس
****
كلمة تجيبه وكلمة توديه
بالحب فى النيل ارميه
بس احذر تتذاكى عليه
أو تنسى اختارك ليه
ثورة يناير
