قولوا لعديم السياسه
.............. الثوره مش نايمه
قولوا لعديم السياسه
............ السلطه مش دايمه
قولوا لعديم السياسه
................ يطالع الأخبار
قولوا لعديم السياسه
.............. يبصّ ع القايمه
************
-
قطر الصعيد / أسيوط
أطفال فى عز الفرح متلفعين بالموت
--
النكسه/ بحر البقر/ عين شمس / ماسبيرو
......ينشال قناعه الغبى يركّب قناع غيره
---
تحرير / سويس/ بور سعيد / المنزله/ الشارع
دمّك بينشع وطن يطرح ولد فارع
راضع معارك وفارد روحه ع الصلبان
ويعيش ف حبك جمل ويموت أسد بارع
************
قولوا لعديم السياسه
................... السكه مفتوحه
والدمّ كوز سلسبيل
.............. والأرض مدبوحه
قولوا لعديم السياسه
................... يجهّز الأنفار
ويشدّ حبل الحصار
............ فى الجيّه والرُّوحه
************
الثوره جايه لحرامى الطيبين بتابوت
كان غيرك أشطر
........ وكان غيركم مهاب الصوت
يا محدثين فى السياسه
............... يا دُون يا خرج بيوت
طعم الشهاده اتوهب
.................... للى اتخلق فارس
واللى اتخلق زيّكم
............... مفطوم على "الزّلّوط"
********
قولوا لعديم السياسه
................... الثوره ع السكّه
وهدوم ورود الجناين
..................... نايمه ع الدكّه
وام الشهيد فى انتظار
.................. الزفّه والفستان
لمّا الميزان ينقلب
.................. ع العالم الفكّه
عدد الردود 0
بواسطة:
علي باشا
نخلة في الحارة
عدد الردود 0
بواسطة:
محمد وديع العلاوى
ما أروعك
عجبتنى قوى هذه القصيدة فإلى الآمام دائما
عدد الردود 0
بواسطة:
sameh
عديم الشعر
وقولوا لعديم الشعر فين الشعر
عدد الردود 0
بواسطة:
محمد كشيك
شاعر حقيقي
عدد الردود 0
بواسطة:
che
الله