فيسبوك
واتساب
هو إنت بجد مصرى ؟
لو مصرى بجد أصلى ؟
وطى صوتك عارف
مكتوب فى بطاقتك مصرى
****
المصرى مش بس صوت
المصرى دهب وياقوت
رجولة فى وقت الشدة
فدى أرضه كمان بيموت
****
المصرى ذكاء بالفطرة
مهموم بخريطة بكرة
متعود يبقى القمة
وفى كل مكان له ذكره
****
المصرى فى دمه حرارة
وأمانه فى ظل بطالة
وبرغم ظروفه الصعبة
متربى وعنده كرامة
****
مش بس مجرد اسم
مرسوم فى بطاقتك رسم
ولا عندك ذرة فكر
ومحسوب على بلدك جسم
****
لو مصرى إتحرك حبة
اعمل إنتاج بمحبة
فكر فى أمور الدولة
واركن مصلحتك حبة
****
عامل وطنك بضمير
ادعم جواك الخير
فكر تديله الأول
وهو ها يديك وكتير
****
ازرع فى الأرض خضار
زود عدد الأحرار
ولو مرة حكومتك نامت
أرفع علم الثوار
****
صورة أرشيفية
