فيسبوك
واتساب
أيام الحزب الوطنى كنا بنسمع دايمًا عن انتخاباته وكل اللى بيتكلموا فى برامج التليفزيون منه.. طب وإيه اللى بيعمله حزب الحرية والعدالة دلوقتى.
عفوا بالعامية
الحكومة قررت قفل المحلات من الساعة 10 طب جميل وقرار معقول وبعدين كده كده الشتا داخل والناس بترجع بيوتها بدرى ومحدش بيسهر طب فى الصيف والمصايف حيعملو إيه حيخلوا المصيفين يرجعوا بيوتهم من العشا.
عفوا بالعامية
حيأجلوا الدورى عشان مشاكل الألتراس وتأمين المباريات ده حيخلى الحرامية تقولك إيه الشرطة مش قادرة تأمن ماتش تبقى حتأمن دولة.
عفوا بالعامية
الحكومة قالت عقوبات رادعة للى حيقطع الطريق ورغم كده مفيش فايدة ولا يمكن عشان مقالتش طريق إيه؟
عفوا بالعامية
الكتاتنى، العريان، الشاطر، البلتاجى.. سرور، الشريف، الشاذلى، عز، فهمتوا حاجه.
عفوا بالعامية
برامج المقالب كل سنة فى رمضان هما هما نفس الفنانين ده على اعتبار أنهم سذج وبيقعوا فيها دايما ولا بيستهبلونا إحنا.
عفوا بالعامية
فيلم ساعة ونص عمل جيد بس الناس عملك تقولك كله أبناء فنانين - زى أبناء العاملين كده- طب ما هما دول الممثلين الشباب اللى موجودين على رأى المثل ملاقوش فى الورد عيب قالو أحمر الخدين.
عفوا بالعامية
لم تسجل جريمة واحدة فى البلد أيام حرب 73، أما الثورة فسجلت أيام الجريمة.
عفوا بالعامية
البلد دى فعلا محتاجة قنبلة تدمرها عشان نبنيها تانى على نظافة زى ما قال الفنان الكبير محمود عبد العزيز فى مسلسل باب الخلق ياريت القنبلة دى نفجرها فى نفوسنا من جوه عشان تشيل السواد اللى جوانا ونبنى نفسنا على نظيف بقى.
مبنى الحزب الوطنى
