فيسبوك
واتساب
ف النوبة شفت بنات
حلوين وشرباتا
وولاد خفاف الدم
وسمارة شيكولاتة
وعيون ماليها الحب
وقلوب بتغوى القلب
تعمل له حركاتا
أنا شفت عمى ياسين
بالمركبة ف النيل
ع الشط ماشى حسين
والمشية بألاطة
شاور لى عم ياسين
قالى تعا عندى
جدفت له حبة
وشبكته ف المية
شد الشباك حبة
طلعت له سمكاية
وحكالى حدوتة
عن حلوة بتوتة
صابة الهوا منها
بتحبه وتوده
عاوزة تعيش جنبه
فى تباتا ونباتا
عمى حسين ماشى
والمشية بألاطة
ع الخد غمازتين
والضحكه شارباتا
أنا شفت شاب جميل
بيغنى لحبيبته
يسهر فى قلب الليل
ويحب من قلبه
وحبيبته يوم تتقل
وهوا ما بيقدر
وفجأة بتضمه
يطلع حنين دافي
وبتحلى أوقاته
ف النوبة شفت عيون
ماليها شوق وجنون
والحلم أد الكون
يكبر وتاتا تاتا
ف النوبة شفت كتير
جوايا حب كبير
للنوبة أرض الطير
ف النوبة شفت وشفت
وبقلبى توهت عشقت
دى النوبة أرض الحب
للنوبه سلامااااااااااااااااااااااااااااااتا
صورة أرشيفية
