نصر فتحى اللوزى يكتب : ليه!

ليه الضروع جفت ليه انا عطشان !
ليه الدموع على خدى لها شطآن !
ليه الزروع ماتت ليه انا زعلان !
ليه الزهور نامت على الاغصان !
ليه خايف من بكره ليه انا حيران !
***
ليه تاه بينا الامل ليه ضاع الامان !
ليه الخير منا هرب ليه بقى نسيان!
ليه الصوت العالى للحوارعنوان!
ليه أنا ماشى لا هدف ليه سرحان !
ليه التوقير بقينا منه فى حرمان !
***
ليه بقينا ادوات يلعب بها الشيطان!
ليه هجرنا بيوت بيرفع فيها الأذان !
ليه الصبرضاع بينا منا فى التوهان!
ليه وربنا قال قوله الحق فى القرآن !
ليه والامر اعملوا بقى فى النسيان !
***
ليه اهدار انفسنا قولى ليه ياانسان!
ليه اقتصادنا اعلنها قال انا تعبان !
ليه بقى الفساد لغة له كل الالوان !
ليه بلدنا كدا وكان يشار لها بالبنان!
ليه احنا بعيد عن تعاليم الرحمن !
***
ليه مانرجعش تانى نزرع الريحان!
ليه مايدورش المكن بقدر الامكان !
ليه مانسمعش السواقى فى الوديان!
ليه واحنا خير الاجناد ليه ياكسلان !
ليه ماتبقاش ايدينا سوا نعلى البنيان!
***
ليه السهر ليه الضجر منا فى الميدان !
ليه والوقت له قيمة بالعمل زى زمان !
ليه انا سألت كتير وقلبى فى خفقان !
ليه الشمس مكسوفة منا قلبها وجعان!
ليه ؟ لان مصر أمنا مذكورة فى القرآن !
***