راضى على الطهطاوى يكتب: عاجل إلى أنكل سام

إيه رأيك فى الوضع المايل؟! = يا حبيبنا يا غالى يا انكل سام
إيه رأيك فى الدم السايــل؟! = وأنت حقيقى بترعى سلام
شعب محاصر شئ مش ذنبك = جوع ومرض أطفال أيتـام
ناس بتموت وأديك بتفاوض = وضميرك راضى كمـان بينام
وبتدى نصيحة بضبط النفس = وبتشجب بس يادوب بكلام
و بتعقد أيوه فى مؤتـمرات = وتقوللى هنطلع بقرارهـام
قرار بدراسة أكيد هينــوَّر = نلاقى نورك لينا ضـلام
نلاقى كل وعودك ضاعت = وأدينا بنجرى ورا الأوهـام
وضمير العالم أخرس أعمى = والصورة مقلوبة شايفها تمام
وطفلك أنت أدية متدلــــــل = وبيكبر أسرع من الأيـام
ماشى بيعربد ليل ونــــهار = واللى برئ مظلوم يتـلام
بيحاصر يبـنى كمان يستوطن = وكمان تناشدنا باستسلام
يا قطب العالم يا كبــــــــير!= يا مجلس أمن ويا أعـلام !
ليه بتنسى كل مبـــــادئك؟! = وحقوق إنسان تحت الأقدام
ليه منحاز بشكل أنــــانى؟! = ليه بتأيد تأييد تـام
ليه يا كبير بتأيد ظـلم؟! = وكمان بتدفع بيه لأمام
ليه مش عايز تكسب حبى؟! = معايير مزدوجة دا شئ هدام
ليه مش عايز تقولها صريحة؟ != سلامى سراب وصبح أحـلام