يوم ويعدى بحلوه ومره
كده هايعدى وكده هايعدى
بطوله وعرضه
سهرت ونمت.. ولو ماحلمتش
أهدى شوية.. ماتفكرش
إيه هايخللى البال مشغول
وتكلم نفسك على طول
سيب المركب وحدها تمشى
شطك جاى هاترسى عليه
وتفضل ماشية وماتعطلش
ده بعد الصوم بيهل العيد
بحر وأودامك.. ليه ماتشربش
رفرف طير.. حَب وغِير
الدنيا جميلة ومليانة خير
صاحب كل الناس على طبعك
واللى يبيعك سيبك منه
ماتترددش ...
شيل أيدك من على خدك
واضحك فرفش.. يطرح وردك
وإيه اللى هاتخده.. لو يوم شيلت
مايهمكش ...
أجرى والعب
افرح هيص
الدنيا عروسة
وانت عريس
ولاتحسبها فى يوم وتعد
ولا تجرى بسرعة ولا تمد
وامشى براحتك
حلوة صارحتك
وماتدقش مرة ولاتشد
ومايهمكش ..
كده هاتفوت وكده هاتفوت
امحى الدمعة وعلى الصوت
وارمى الهم ياريت ورا ضهرك
لو مارمتش..تطق تموت
كبر عيشها ومايهمكش
صورة أرشيفية
مشاركة
اضف تعليقاً واقرأ تعليقات القراء
مشاركة
