فيسبوك
واتساب
القطر ليه ماوصلش
وماقالش ليه توت توت
ياشيخ هشام قنديل
عندى سؤال مكبوت
ليه الطفولة ف مصر
تيجى تعيش ف تموت
ياشيخ هشام فيه طلب
نفسى اطلبه منك
سيب غزة ست ساعات وتعالى زور أسيوط
تعالى شوف الدم
م الدلتا للنوبة
تعالى شوف دولتك
وهى منكوبة
ياريس الوزرا ياشيخ وليك بركات
طالع بمصر ازاى والرخصة مسحوبة
لو إسرائيل تلتفت للمعنى ياخواننا
بدل ماتفقد وقود ... والنصر يستني
تجيب عيال غزة وتحطهم ف القطر
بكبيره كام ساعة ويروحوا للجنة
بالذمة شوفت جنان
بالشكل ده حضرتك
رايح تواسى الجيران
وانت العزا ف شقتك
يامصر رايحة لفين
ومين عدو وحبيب !
الدولة اهى بتنتهي
مع شلة المحاسيب
غزة كما أسيوط .. أسيوط كما غزة
الموت هنا وهناك
نصرة لتل أبيب .
أحداث أسيوط
