سيد أحمد الهمشرى يكتب: فتاة الضبعة

إسلامنا مش راح يزيد بصبية الضبعة
ولا هينفع نعيشوا بين نيران والعة
وإذا كانت البنت راضيه بنعمة الإسلام
حبسينها ليه وليه حرارة دمكم ساقعة؟
...
اسلامنا مش راح يزيد لما اسلمت واحدة
ولا واحده يعنى هترفع عننا الشدة
ولا واحده يعنى هترفع راية الإسلام
وحرام نعيش عمرنا فى منازعه ومناهدة
...
اسلامنا مش راح يزيد بالخطف والانكار
واذا رضينا بكده توجب علينا النار
فين السماحه وفين الموعظه الحسنه ؟
وليه حسبتوا المسيحى فى جملة الكفار ؟
...
اسلامنا مش راح يزيد وجارنا فى الوطن تعبان
ولا هنتقدموا وبلدنا فوق بركان
الدين لرب العباد وحسابه فى الاخره
اما اللى بين البشر فى الدنيا فعل شيطان
...
اسلامنا مش راح يزيد ولا راح تنهض الدوله
وقلوبنا فيها الفساد والحقد والعله
مسيحى مسلم حقوقنا فى الوطن واحده
واللى يعيش بالسماح راح يكسب الجوله
...
يارب وفق قلوبنا فى الوطن للخير
واهزم يارب الشيطان فى الفعل والتفكير
واجعل رئيس البلد للمسلمين كافه
وللمسيحى قبلنا دا احنا صبرنا كتير
...