فيسبوك
واتساب
طاب عارفينى أنا إنسان ليه سايبينى أعيش متهان؟
ولاَّ جريمتى إنى معوَّق والناس بتبص كأنى مـــُدان
إوعى تظنوا نقص دا فينا ولا َّقيمتنا طرف وسيقــــان
ليه بتقولوا علينا عجزة! دا إحنا رحمة فى كل زمان
قسَّم ربك لينا نصيبــــنا فينا سليــــــم وفينا عيَّان
فيَّا إعاقة شىء مش ذنبى مين متحصِّن فينا متصان؟
ليه عايزينا نعيش نتشـرد؟ لينا حق فى عيشة أمـان
خمسه ف مِيَّة لينا وظايف فين وظايفنا والإسـكان؟
نفسى مواصلة لينا تناسـب لينا رعاية وبالمـــــجان
لينا قلوب ولينا مشاعـر جوَّانا تهز الكلمة كيــان
صعب علينا وقـْف طابور إدونا تميُّز مش إحســان
لينا عليك حقوق يا بـلادى إدينا يا وطن شوية حنـان
جوانا طاقة ونقدرنـدِّى لو نلقى رعاية فرصة كمان
ياما معاق وإدَّاكم عبرة حكمة ربك لازم تبــــان
ياما مواهب فينا موجــودة كل معاق جوَّاه فــــــنان
دا إحنا فينا السر الكامن كنز افتح له إنت بيبـــان
إدونا نقابة تشوف مصالحنا ترعى حقوقنا ولينا ضـمـان
ولا َّ نصيبى أعيش أنا بينكم أمشى معوق ألاقى حرمان
صورة أرشيفية
