محمد حامد حسين يكتب: لف وارجع تانى المصريين أهُم

لف وارجع تانى المصريين أهُم
مش بس كلام وأغانى
رجولة وخفة دم
اليوم عندنا ببطولة
الصعب معانا سهولة

لف معانا وطوف
وعلى أثارنا اتفرج شوف
من أسوان لإسكندرية
المصرى جدع معروف

أنزل أبدأ من بحري
هاتشوف الراجل الدوغري
وأقعد حبة فى المينا
يتعلق لك الزينة
وده واجبك علشان ضيف

وقَبل روح الصعيد
ما تقولش سفر وبعيد
السد هناك وأبو سمبل
وفى الكرنك بص أتأمل

هياخدك أحساس تاني
هاتنسى أنك وحدانى
وتتمنى أنك مصري
وتشوف الوحدة العصري

وتشوف أحمد مع جرجس
مع بعض ولا حد بيهمس
وتشوف جرجس يوم الجمعة
بيفرش الحصر ويكنس
وتشوف أحمد يوم حد
بيساعد أخوه مينا
وعيده يروح ويبارك
ده الخير كله فى أراضينا
لف وأرجع تانى
هاتروح بلدك مبسوط
وتتحاكى وتحكى علينا

بأقولها أنا للسياح
مصر وطن مرتاح
سيبكم من أى كلام
بلدنا كلها أفراح
لف وأرجع تانى المصريين أهُم