سيد أحمد الهمشرى يكتب: 6 أكتوبر

زى النهاردة كتبنا ملحمة رمضــــــــــــــــــــــان
زى النهاردة هزمنا دولة الطغيـــــــــــــــــــــــان
وصنعنا بين الأمم نهضة لفجر جديــــــــــــــــــد
وكتبنا على أرضنا المجد للإنسان
...
زى النهاردة عبرنا بـ (انور الســـــــــــــــادات)
ورفعنا فوق أرضنا وبدمنا رايـــــــــــــــــــــات
وبدأنا نبنى الوطن مع أشرف الفرســـــــــــــــان
اللى اغتالوه بالخيانة مدعى الزعمــــــــــــــــات
...
زى النهاردة (السادات) حطم غرور (ديــــــان)
وخلى (جولدا مائير) تاهت فى كنا وكـــــــــــان
زى النهاردة (السادات) مات بين رجاله شهيـــد
واتحكمت فى البلد شلة من الجــــــــــــــــــرذان
...
زى النهاردة والنهاردة واللى زيه مفيـــــــــــش
سياسة وإرادة وقياده ولقمة عيــــــــــــــــــــــش
زى النهاردة الشباب حطم حصون بارليـــــــف
والدنيا اتعلمت إزاى يكون الجيــــــــــــــــــــش
زى النهاردة ويا ريت زمن البطولة يعـــــــود
ينقذ شباب الوطن من الليالى الســــــــــــــــود
ومن حكومة بترجع مارشيدير للخلــــــــــــف
اتشكلت من يومين وفيها نخر الـــــــــــــــدود
...
زى النهاردة وكنا فى الميدان صايميـــــــــــن
لا فيه دقون فى الصفوف ولا أدعياء للديـــــن
ولا كل نطع واخوه عامل إمام للنــــــــــــــاس
وكل هدفه يلم فى جعبته قرشيـــــــــــــــــــــن
...
زى النهاردة واجيب زى النهاردة منيـــــــن ؟
والأمة متبعزقه وكل وش لونيــــــــــــــــــــن
واللى فضل فى المداود بقر ملوش لازمــــــه
وكام حمار كلهم مقرف يغم العيـــــــــــــــــن
...