فيسبوك
واتساب
لما بسمع صوتك
بياخدنى الزمان
لأبعد مكان
لحضن الحياة
وأبعد كماااااااااان
نفسى أكون لك
نبع صافى
يهز مشاعرك
وأعيش ف حضنك
نفسى أكون لك
حياة لا تنتهى
لما يجمعنى الحنين
واحضن شفايف
حاضنها الخوف
من قرب حب
ما يعرف بـعد
لما أكون بحلم
بيوم
تاخدنى فيه لهفتى
ألمس خدودك
واحضن ورودك
وألف حضنك بين
فراق بيبعدك
وندا قلب
عطشان لمحبتك
لما بسمع صوتك
تتغير حياتى
وأحلم وأدوب
بأجمل كلام
يخدنى
يقرب حياتى
يزيد سكاتى
لما تهز مشاعرى
بضحكتك
وف لحظة صدق
ياخدنى الحزن
وافتكر
عذابى معاكِ
وشوقى ليكِ
بيكسر كل الحواجز
وألاقى حضنى بيرتعش
بين أديكِ
وكأن بركان بينفجر
يغطى حنينى
يملا كيانى
شوق ولهفة
وسط الهموم
نفرح بيوم
خلى النجوم تعلا
تنادى الزمان
قرب كمان
لحضن إنسان
بيحترق
لحظة وداع تاخدنى
منك
وأنسى خوفى
وتموت ظنونى
ساعة لقاك
صورة أرشيفية
