فيسبوك
واتساب
ممكن ألخص فى كلمتين
السودان مقسوم نصين
والصومال جعانين
من الحسبة دايما متشالين
ولا سوريا فين أهلها
راحوا فين الناس
نص مضروب بالرصاص
ونص منهم هربانين
على الحدود منسيين
ولا حصلوا حتى اللاجئين
حتى ليبيا ... قاطعة فيا
فيها ضرب ومن جوه حرب
وقبلهم البوسنة مع الصرب
وبورما كله عنها غفلانين
وعيونهم مغمضين
عشان هما مسلمين
أيه يا عرب ...
الاقصى كل ساعة بينضرب
وفى بغداد أيد العرب عنها بُعاد
أمسحوا دمعة عيونهم
ده أنا كل يوم بأبعت رسالة
وصف العرب بكل حالة
مين يداوى مين يواسي
الكل ناسى ويقول محالة
كل يوم متعذبين
واللى عايشين متغربين
واللى هجروا بيوتهم متغصبين
يعنى بأختصار فلسطين
فين الوحدة فين الدين
ولازم نحس
مش ندعى بس
بكرة جاى واليوم ده لينا
وترجع كل أراضينا
ونبقى وحدة
يد واحدة
ربنا معانا وحامينا
صورة أرشيفية
