يا بلدى على مر سنين أولادك قهروا أعداءك
ودلوقتى أصبحوا مجرد رقم فى سجل وفياتك
ولادك يا بلدى للمجازر أصبحوا الضحية
وبالنسبالك حياتهم بدون اى أهمية
على مر سنين قلنا بالروح والدم نفديكى
ومكناش نعرف إن دمنا يهون عليكى
دم شباب سال علشان ترابك
وعلى اديكى تكون المجازر والذبح لأولادك
أولادك يا بلدى ضحوا لسنين
من استعمار لحروب لزمان مهين
زمان فى 48و67و73 سال دم المصريين
علشان قضية تراب بلد بيها مؤمنين
ودلوقتى ولأتفه الأسباب
دم يسيل من غير حتى كلمة عتاب
يا شهيد اكتب بياناتك ورقمك .. وسبب وفاتك
من دهس لطلق لخرطوش
المهم رقمك متنسهوش
الموت مكتوب علينا
لكن الروح أمانة فى أدينا
روح كل أهميتها فى رقمها
يبقى حياة وجودها زى عدمها
يا شهيد دمك غالى علينا
والمسئولين للحقيقة بيغموا عنينا
يا شهيد سال دمك علشان تحمينا
وكل نقطة فى دمك أمانة فى رقابينا
يا مصرى للحق كون بعقلك وبقلبك
ومتخفشى مهما يكون رقمك
يا مصرى مصر أمانة فى أدينا
حتى لو ظلمها بدأ ينسينا
مهما اسيتى عليا يا بلدى
والله لحريتك يهون عليا رقمى
كلمة قالها الشهيد
موتى علشانك يا مصر ليا عيد
يا بلدى لحريتك أدى واجبى
وواجبك تجهزيلى رقمى
يا بلدى شهيدك امنى أمانة
الكرامة والعزة بعد الذل و الاهانة
شعبى يا مصر أصبح مجرد رقم
وحريتك وكرامتك على البطيء بتتعدم
آه يا بلد فيكى شفت العجب .. قاتل يتبرأ .. ومقتول من غير سبب.
عجبى عليكى يا بلدى بأديكى يزيد حزنى وألمى ..
وعلشانك مستحيل أحس بندمي..
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة