فيسبوك
واتساب
بيقولوا الحياة حلوة
حتى عملوها غنوة
حد يفهمنى من أى اتجاه
أصل الحياة أوجاه
كله بيمشى بالفلوس
ويقولك معندناش خيار وفأووس
الفاشل بينجح بالواسطة
والناجح بيفشل أونطة
بجد الحياة حلوة
بيقولوا الدولة إسلامية
والشوارع كلها بلطجية
ومعظم الناس بقوا حرامية
بجد الحياة حلوة
ناس بتلعب بالماس
وناس تعبانة بالفاس
وناس بتشحت من ناس
وناس بتكدب على ناس
بجد الحياة حلوة
القريب بقى غريب
والغريب أوفى من القريب
أقرب واحد ليك
هو اللى بيكدب عليك
بجد الحياة حلوة
الإنسان بقى محتار
مش عارف يفرق بين القط والفار
ومش عارف الجد من الهزار
بجد الحياة حلوة
الواحد بقى محتاس
مش عارف يفرق بين الناس
ولا يفرق البطاطس من القلقاس
بجد الحياة حلوة
أرجع وأقول العيب فينا
إحنا اللى بنضحك على نفسينا
سايبين الظالم يلعب بينا
مع أن الحل فأيدينا
بجد الحياة حلوة
حاولوا ترددوا الغنوة
يمكن الحياة بجد تبقى حلوة
صورة ارشيفية
