محمد حامد حسين يكتب: إيه اللى عملته ده يا بشار؟

أيه إللى عملته ده يا بشار
بتموت أهلك ليل ونهار
وتقتل فيهم كده بالنار
كل ده علشان كرسيك
بكرة النار هاتولع فيك
ويطلع راجل ويوريك
وشوف ساعتها مين يحميك

ما أتعلمتش ليه من غيرك
ألحق نفسك .. صحى ضميرك
شوف من قبلك .. القذافى
عدموه العافية .. جروه حافى
وفاكر نفسك لبلدك وافى

لأ كداب .. لأ كداب
لما تعيش ناس فى عذاب
وأما تخلى بيوتنا تراب
وتطرد شعب من وطنه
وتقول حكم.. قدر.. غلاب

يا اللى واخدها عافية وبدراع
كل ظالم زيك ضاع
ولا نفعه الكرسى ولا المنصب
ومهما عليت آخرك فى القاع
وبكرة نسوقك زى حمار
ده خسارة فيك اسمك بشار
ده أنت هلاك
فى النار وادى هايستناك

ويرحبوا بيك فى جحيم
ساعتها عذابك يبقى أليم
ويجيب حقنا رب كريم