سيد أحمد الهمشرى يكتب: موقعة الجمل ..!!

فى موقعة الجمل براءة للبشـــــــــــــــــــــــــــــــــــوات !!
زى البراءة إللى خدها معالى اللــــــــــــــــــــــــــواءات !!
طيب مين هجم على الميدان وكان على الحصان راكب ؟؟
ومين إللى له مصلحة من وسط دول بالــــــــــــــــــذات؟؟
...
فى موقعة الجمل يبقى الجمل مســـــــــــــــــــــــــــــؤل !!
والجحش طبعا كمان .. متقولش مش معقــــــــــــــــــول !!
حتى الحصان متهم والبغل والحلــــــــــــــــــــــــــــوف !!
ياتجيبوا شاهد يكون فى الموقعة مقتـــــــــــــــــــــــــول !!
...
وتجيبوا شاهد يكونوا صفوا حبابى عنيــــــــــــــــــــــه !!
وتقولوا كان مفترى والحق كله عليــــــــــــــــــــــــــــــه !
إيه نزله فى الميدان يشجع الثــــــــــــــــــــــــــــــــــورة ؟
وكان فى قلب الميدان واقف بيهتف ليــــــــــــــــــــــــــه؟
...
وكمان مفيش متهم مسكوه فى ألف شهيـــــــــــــــــــــــد!
همه إللى ماتوا وضربوا نفسهم بحديــــــــــــــــــــــــــــد !
همه كمان إللى حطوا الرش فى عنيهــــــــــــــــــــــــــم !
أصل الشباب كان شجاع وفى البطولة عنيــــــــــــــــــــــد
...
والمحكمة والحكومة يعنى هيعملوا إيــــــــــــــــــــــــــه؟
لشباب عنيد مفترى والحق كله عليــــــــــــــــــــــــــــــه !
حكمت هنا المحكمة بالشنق للثـــــــــــــــــــــــــــــــــــوار
أما الحمار والحصان طلعوا براءة يا بيــــــــــــــــــــه !!!