فيسبوك
واتساب
وعدَّى محمد ولا يعرفنى
كأنى لاشفته ف يوم ولا شافنى
معلق عينه بأعلى التبة
مثبت علمه ف نص القايش
سلاحه ف يده وعليه كابش
إصبر حبة
جدف يله يعدى القارب
عايزين نوصل قبل مغارب
لكن الشوق من قبلى سابقني
وقلبى ف صدرى يا بوى بتنطط
صوته العالى يصم ودانى
عايش جوة ف قلبى ونفسى
وتارنا يا بوى ولابد هناخده
وصلنا الشط
فردوا سلالم فوق الخط
خطى محمد فط ونط
مسك الحبل بيجرى عليه
وجمع شوقه ف قلبه وحط
ثبت علمه وحضنه باسه
طلقة ف صدره وجنبيه حط
تجرى الدنيا تدور حواليه
وصف ملايكة شاله وفط
علم مصر
